Elite Luxury Suites - أويا

الصراحة الفندق مكانه حلو في أويا .. و المنظر يجننن ، انا حجزت جناح بريمير و فيه غرفتين نوم و حوض سباحة و مطبخ ، الصراحة الغرف حلوه و مرتبه و نظيفه و عندهم خدمة توصيل مجانيه للمطار ومن المطار للفندق و انا ما كنت ادري بهالشي و دفعت ٣٠ يورو للتاكسي اول ما وصلت ف اذا حجزتو هالمكان انتبهو ع الايميل من الفندق نفسه و تَحُطُّون فيه بيانات الرحله للوصول .... بعد عجبني المساج مالهم عند وحده اسمها كاترينا طبعا يكون التنسيق مع الرسبشن

الفطور ما يغيرونه أبدا ،،، كل يوم نتريق نفس الريوق .. الحمدالله ان نحن كنّا جايبين معانا معلبات و اجبان و عصائر و باستا ف مرات كنّا نطبخ ف كان شي ممتع ،،، حتى انا قلت لهم ان في تعليقات سيئه في بوكينج بخصوص الريوق استغربو!!! خذوا عني 500 يورو و المبلغ كبير كضمان على الغرفتين و لما قلت لهم المبلغ كبير قالو لان الجناح اللي حجزتيه فيه كل شي و فيه ديكورات و اشياءً غاليه عشان جذيه